Nijsbrief Willem Tjebbe Oostenbrink

Beste minsen,

 

Met dizze nijsbrief wil k joe/dij ien t kört berichten over wat nije dichtactiviteiten.

 

2017 was n mooi joar wat de poëzie angijt. Ien februoari mocht ik van de stad Emden de Johann Friedrich Dirkspries ien ontvangst nemmen. Op de digitoale website veur Grunneger literatuur https://oader.nl/interview-mit-willem-tjebbe-oostenbrink/Oader/interview stijt n interview met mij.

 

Noajoar 2017 is mien tweede bundel Zolt en Stof uutkommen. Uutgeverij Vliedorp Houwerziel het der wat moois van moakt. Behaalve de bundel is der ok n rieg van vier ansichten moakt met gedichten.

Der het beheurlek wat publiciteit west en verscheidene gedichten bennen publiceerd ien t Drentse blad Roet, t Vriese Ensafh, de Grunneger Kerkbode, en op webstekken (Oader, webloug). Een aantal gedichten bennen ok publiceerd ien t Nederlands (Sla-Avier2017-wk23/38, MeanderMagazine/2016/345)

 

Misschien hemmen je de prissentoatsie op 3 november niet bijwonen kend. t Verslag van de oavend stijt ok op mien blog http://willemtjebbeoostenbrink.blogspot.nl/2017/11/1ste-exemploar-bundel-zolt-en-stof-veur.html. De bundel Zolt en Stof is goed ontvongen. Verleden week is der n recensie (in het Nederlaands) op Meander Magazine zet meandermagazine/poezie-kort-2018. https://meandermagazine.net/wp/2018/02/poezie-kort-2018-1/

 

Zo nou en dan treed ik ok op: zotterdag 17 meert Dag van de Grunneger Toal ien Stad. Met Are Meijer verzörg k soamen n prissentoatsie "Ommelaandse reis ien Westerkertierder poëzie".

(twee moal die dag: 11.30 – 12.00 uur en 12.30 – 13.00 uur ien de Stilteruumte Grunneger Archieven gebouw Cascadeplein 4. We prissenteren t Westerkertier vol varioatsie en ien aal heur verscheidenheid van verhoalen, poëzie en beeld.

 

Ienteresseerd ien de bundel Zolt en Stof? Dizze is te koop ien boekhandels ien Stad (Godert Walter) en ien t Westerkertier (Moarum, Zuudhörn, Gruupskerk) en Noordenveld (Roden) en bij de dichter ien Zuudhörn zulf.

 

Veur meer nijs: op mien blog stijt 2-3 moal ien de moand n nijsbericht met wat òfbeeldengen over poëzie, toal, korte rubrieken over noatuur en laandschap, cultuurhistorie, en zuks wat meer.

Belaang bij n optreden of veurdrachten te heuren, nem gerust kontakt op.

 

Met vriendeleke groet,

Willem Tjebbe Oostenbrink

e: willem.tjebbe.oostenbrink@planet.nl

http://willemtjebbeoostenbrink.blogspot.nl

m: 06.52401230

Vandaag in Grijpskerk

  • Geen activiteiten bekend

Binnenkort in Grijpskerk